Бишкек, 17.04.25. /Кабар/. Баткен облусунун Лейлек районунда залкар акын Курбаналы Сабыровдун жаркын элесине арналган 35-эл аралык поэзия фестивалы уланууда.
Министрлер кабинетинин басма сөз кызматынан билдиришкендей, фестивалга министрлер кабинетинин төрагасынын орун басары Эдил Байсалов катышууда.
Жыл сайын өтүүчү иш-чара акын-жазуучулар, маданият ишмерлери, коңшу өлкөлөрдүн жаштары жана конокторунун башын бириктирип, маданий байланыштарды жана руханий биримдикти бекемдейт.
"Биздин эл поэзияны чын жүрөктөн сүйөт, анда биздин бүт жан дүйнөбүз жана тарыхыбыз, кыялдарыбыз жана тажрыйбаларыбыз бар. Бул жерде Лейлек, Баткен жергесинде жүрөктөрдү бириктирген саптар жаңырат. Мындан ары да бул жерде тынчтыктын жана ынтымактын символу катары поэзия гана өкүм сүрсүн",- деп белгиледи Эдил Байсалов фестивалдын ачылышында.
Фестивалдын жыйынтыктоочу кечесинин түз эфири УТРКнын "Маданият" телеканалынан Бишкек убактысы боюнча саат 17.00дө түз эфирде көрсөтүлөт.
