Бишкек, 13.11.26 /Кабар/. КР эл артисти, белгилүү композитор жана ырчы Каныкей Эралиеванын 70 жылдык мааракеси Т.Сатылганов атындагы Кыргыз улуттук филармониясында белгиленди.
Маданият, маалымат жана жаштар саясаты министрлигинен билдиришкендей, мааракелик иш-чара 12-ноябрда өтүп, ага министрлер кабинетинин төрагасынын орун басары Улан Маматканов жана маданият, маалымат жана жаштар саясаты министри Мирбек Мамбеталиев катышты.
Министр өз сөзүндө Каныкей Эралиеванын кыргыз музыка искусствосундагы ордун белгилеп, анын чыгармачылыгы улуттук маданияттын баалуу мурасы экенин айтты.
Салтанатта өнөр ээсинин улуттук маданиятты жана музыкалык искусствону өнүктүрүүгө кошкон салымы, көп жылдык чыгармачылык жолу даңазаланды. Кеченин жүрүшүндө ырчынын белгилүү чыгармалары аткарылып, көрүүчүлөргө майрамдык концерттик программа тартууланды.
