Бишкек, 14.08.25 /Кабар/. Кытайдын Ченду шаарында өтүп жаткан самбо боюнча дүйнөлүк оюндарда кыргыз самбочулары коло медаль жеңди.
Дене тарбия жана спорт мамлекеттик агенттигинен билдиришкендей, оюндар 13-14-август күндөрү өтүүдө.
Эки күнгө созулган мелдеште эркектер жана кыз-келиндер арасында жекече таймаштарда, ошондой эле командалык эсепте да медалдар ойнотулат.
Биринчи күнү кыргызстандык спортчулар Курманбек Замирбек уулу 71 кг, Бектен Эркебай уулу 88 кг салмак ченинде дүйнөлүк оюндардын биринчи күнүнүн жыйынтыгы менен коло медалга ээ болду.
Дүйнөлүк оюндар бүгүн дагы уланат.
