Бишкек, 25.07.25. /Кабар/. Шанхай кызматташтык уюмунун мамлекет башчыларынын кеңешинин жыйынын алдында Чжэнчжоуда (Кытай, Хэнань провинциясы) ШКУ мамлекеттеринин ЖМК жана аналитикалык борборлорунун саммити башталды.
Иш-чара “Синьхуа” агенттиги, Кытайдын коомдук илимдер академиясы жана Хэнань провинциясынын бийлигинин жергиликтүү органдары тарабынан уюштурулууда.
Саммитке ШКУ диалогу боюнча байкоочу мамлекеттердин жана өнөктөштөрдүн, мүчө мамлекеттердин ЖМК өкүлдөрү, саясат таануучулар жана эксперттер катышууда.
Кыргызстанды саммитте Кыргыз улуттук “Кабар” маалымат агенттигинин директору Медербек Шерметалиев тааныштырып, ШКУнун алкагында өлкөнүн маалыматтык чөйрөдө кызматташуусун өнүктүрүүнү жактай турганын баса белгилейт.
Саммит “Шанхай духун өнүктүрүү жана жаркыраган үйдү биргеликте куруу” ураанынын алдында өтүп жатат.
Программада иш-чаранын ачылышы, пленардык жыйындар, эксперттик форумдар, жаштар дискуссиялык аянтчалары жана башка тематикалык иш-чаралар каралган.
Өз ара ишеним жана өнөктөштүк, биримдикти бекемдөө, стабилдүүлүктү жана тынчтыкты камсыздоо, өсүп-өнүгүүнү стимулдаштыруу, цивилизациялык жашоонун моделин калыптандыруу жана адилеттүү дүйнөлүк тартипке көмөк көрсөтүү талкуулардын башкы темалары болуп саналууда.
