Бишкек, 23.07.26. /Кабар/. "Кыргызстан улуттук электр тармагы" ААК күз-кыш мезгилине даярдык көрүүнүн алкагында 902 чакырымдан ашык электр линияларын (СИП) жаңылоону пландап жатат.
Компаниянын маалыматына ылайык, учурда энергетиктер 406,02 чакырым кабелди монтаждап бүттү. Анын ичинен 0,4 кВ чыңалуудагы СИП-2 кабели – 153,8 чакырым, 6/10 кВ чыңалуудагы СИП-3 – 176,3 чакырым жана магистралдык аба линиясы боюнча 76,1 чакырым кабель орнотулган.
Белгиленгендей, СИП-кабелдерин колдонуу электр тармактарындагы авариялык өчүүлөрдүн алдын алууга, электр энергиясынын жоготууларын азайтууга жана керектөөчүлөр үчүн коопсуздукту жогорулатууга мүмкүндүк берет.
Иштер бекитилген графикке ылайык улантылууда.
