Бишкек, 30.09.25. /Кабар/. 28-сентябрда Азербайжанда Көз карандысыз Мамлекеттер Шериктештигинин (КМШ) III оюндары башталды. Салтанаттуу ачылыш аземи Гянджа шаардык стадионунда өтүп, ага Азербайжандын президенти Илхам Алиев катышты.
Мелдештердин программасына ылайык 23 спорт түрү боюнча 246 медаль топтому ойнотулууда.
Аталган оюндарга Кыргызстандан 166 катышуучу барды, анын ичинде 126сы спортчу.
17 жашка чейинки спортчулар төмөнкү 15 спорттун түрү боюнча күч сынашууда:
- волейбол (балдар жана кыздар);
- футбол (U-16);
- баскетбол (3х3);
- көркөм гимнастика;
- таэквондо (WT);
- бокс;
- самбо;
- эркин күрөш;
- грек-рим күрөшү;
- кыз-келиндер күрөшү;
- каратэ (WKF);
- ок атуу;
- жаа атуу;
- байдаркада сүзүү;
- човган.
Спортчулардан тышкары делегациянын курамына машыктыруучулар, калыстар, дарыгерлер жана укалоочулар кирет.
Маалымат үчүн: I КМШ оюндары Татарстандын Казань шаарында өткөн, ал эми II КМШ оюндары Беларуста уюштурулган.
