Бишкек, 17.02.25. /Кабар/. Кыргызстандын паратриатлон боюнча улуттук курама командасынын мүчөлөрү Дүйнө кубогунда байгелүү орундарга ээ болушту.
Дене тарбия жана спорт департаментинен билдиришкендей, мелдеш Бириккен Араб Эмираттарынын Абу-Даби шаарында болуп өттү.
Алсак, Гүлназ Жузбаева коштоочусу Юлия Фернас менен 3-орунду ээледи.
Ал эми Дастан Камчыбеков коштоочусу Артём Шапилов менен 5-орунду ээледи.
Курама команда башкы машыктыруучу Андрей Ханадеевдин жетекчилиги алдында мелдешке катышты.
