Бишкек, 13.06.25. /Кабар/. 2025-жылдын январь-май айларында республиканын экономикасында негизги көрсөткүчтөр боюнча өсүү байкалды. Бул тууралуу Бишкекте өткөн брифингде Улуттук статистикалык комитеттин төрагасынын орун басары Бакытбек Шокенов билдирди.
Анын айтымында, 2025-жылдын январь-май айларында ички дүң продукциянын көлөмү алдын ала эсептөөлөр боюнча 573 миллиард сомдон ашып, 2024-жылдын январь-майына салыштырмалуу 12,3 пайызга өскөн.
Шокенов белгилегендей, ИДПда тейлөө тармагынын үлүшү 53%, товардык өндүрүш тармактары 19%, продукцияга салыктар 17% түзөт.
