Бишкек, 10.04.25. /Кабар/. Кыргызстандын Казакстандагы элчиси Дастан Дюшекеев Казакстан президентинин Телерадиокомплексинин директору Раушан Кажыбаева менен жолугушуп, “Silk Way” телеканалынын жана «Казинформ» агенттигинин ишмердүүлүгү менен таанышты.
Тараптар медиа чөйрөдөгү кызматташууну, анын ичинде Телерадиокомпаниянын ресурстарында Кыргызстандын туризм жана инвестициялык мүмкүнчүлүктөрүн илгерилетүү, быйыл Казакстанда өтө турган мастер-класстарга жана эл аралык форумдарга кыргыз ЖМКларынын катышуусун талкуулашты.
“Silk Way” телеканалы аркылуу V Дүйнөлүк көчмөндөр оюндарын ийгиликтүү көрсөтүүсү жана телерадиокомпаниянын котормо бөлүмүнө кыргыз журналисттеринин кошкон салымы белгиленди.
Жолугушуунун жыйынтыгында элчиликтин материалдарын жарыялоо боюнча да макулдашууга жетишилди.
