Бишкек, 27.01.26. /Кабар/. 2025-жылы эл аралык резервдердин көлөмү 69,1 пайызга өсүп, рекорддук көрсөткүчкө — 8,6 млрд долларга жетти. Бул тууралуу Улуттук банктын төрагасынын орун басары Азат Козубеков маалымат жыйында билдирди.
Анын маалыматына караганда, 2026-жылдын башынан бери Улуттук банк 134,5 млн доллар өлчөмүндө бир интервенция өткөрдү.
Ошондой эле ал 2025-жылы интервенциялардын жалпы көлөмү 853 млн долларды түзгөнүн белгиледи.
