Бишкек, 20.10.25 /Кабар/. Кыргызстандын экономикасы өсүү темпин жогорулатууну улантууда.
Евразия өнүктүрүү банкынын макроэкономикалык обзорунда белгиленгендей, үстүбүздөгү жылдын январь-сентябрь айларында ИДП 10%га өстү.
ЕАӨБ аналитиктери динамиканын көбү ички факторлор менен камсыздалганын белгилешти: инвестициялардын көлөмү 18,8%га, ички соода 10,9%га өстү.
Туруктуу өсүштүн башка факторлору – мамлекеттик программаны ишке ашыруу менен колдоого алынган инвестициялык түрткү жана акча которуулардын көбөйүшү (2025-жылдын январь-июль айларында +18,4%).
Кыргызстан аймактагы эң жогорку өнүгүү темпин көрсөтүүнү улантууда. Салыштыруу үчүн: коңшу Казакстандын ИДПсы 2025-жылы 6,3%га, ал эми Беларуста +1,6%га өстү. Ошол эле учурда, ЕАӨБгө мүчө бардык өнөктөш өлкөлөрдүн экономикасы тышкы таасирлерге карабастан туруктуулугун сактап келүүдө.
Ал эми, негизги көрсөткүчтөр туруктуу өсүштү көрсөтүп жатат.
