Бишкек, 27.10.25. /Кабар/. Бүгүн, 27-октябрда Кыргызстандын кыз-келиндер күрөшү боюнча курама командасы 23 жашка чейинки балбандар арасындагы (U23) дүйнө чемпионатынан кайтып келди.
Дене тарбия жана спорт агенттигинен маалымдашкандай, спортчуларды “Манас” эл аралык аэропортунан агенттиктин директору Казыбек Молдажиев, Спорттун олимпиадалык түрлөрү боюнча дирекциясынын жетекчиси Мелис Тобокелов жана балбандардын жакындары тосуп алды.
Эске салсак, мелдеште Нурзат Нуртаева 72 кг салмак категориясында дүйнө чемпиону аталып, ал эми Гүлнура Таштанбекова 68 кг салмакта коло байгеге ээ болду.
Бул ирет дүйнө чемпионаты Сербиянын Нови-Сад шаарында өттү.
