Бишкек, 03.07.26. /Кабар/. Күн мурун эмгек, социалдык камсыздоо жана миграция министринин биринчи орун басары Камчыбек Досматов Германиянын Мекленбург – Алдыңкы Померания федералдык жеринин Экономика, инфраструктура, туризм жана эмгек министрлигинин статс-катчысы Йохен Шульте менен жолукту.
Ведомстводон маалымдашкандай, жолугушууда тараптар эмгек рыногундагы мамлекеттик саясаттын негизги багыттарын, ошондой эле эмгек миграциясы жаатындагы эл аралык жана эки тараптуу кызматташтыкты талкуулашты.
Эмгек миграциясын туура жөнгө салуу, калкты иш менен камсыз кылууга көмөктөшүү, кыргызстандыктарды Германияга уюшкан түрдө ишке орноштуруу механизмдерин өнүктүрүү жана бул багытта тажрыйба алмашуу маселелерине өзгөчө көңүл бурулду.
Сүйлөшүүнүн соңунда тараптар социалдык-эмгек тармагындагы өнөктөштүктү мындан ары да чыңдоого жана эки өлкө ортосундагы кызматташууну кеңейтүүгө даяр экендиктерин ырасташты.
