Бишкек, 10.06.25. /Кабар/. Улуттук онкология жана гематология борборунун ядролук медицина бөлүмүндө акысыз текшерүү боюнча акция уланууда.
Бардык каалоочулар сөөк жана бөйрөктүн абалын текшертсе болот.
Акция 10-майда башталган жана бир жарым жылга созулат. Бир айдын ичинде 150 адам текшерүүдөн өттү.
Борбордун директору Нурбек Букуев бейтаптардын негизги бөлүгү дайыма дарыгерлердин көзөмөлүндө турган онкологиялык ооруларга чалдыккан бейтаптар экенин айтты.
“Эрте дарт аныктоо жана бейтаптардын ден соолугунун абалына мониторинг жүргүзүү, өзгөчө дайыма медициналык байкоого муктаждар үчүн маанилүү кадам”, — деп белгиледи Букуев.
Жарандар борбордун ядролук медицина бөлүмүнө жазылып, тиешелүү текшерүүдөн акысыз өтө алат.
