Бишкек, 08.07.26. /Кабар/. Кыргызстанда урология кызматын өнүктүрүү максатында эл аралык эксперттер менен кызматташуу кеңейтилет. Бүгүн саламаттык сактоо министри Дамир Осмоновдун Бельгия, Германия жана Түркиянын алдыңкы уролог жана андрологдору менен жолугууусунда белгилүү болду.
Ведомствонун маалыматына караганда, алар Ысык-Көлдө өтө турган эл аралык конгресске катышуу үчүн келген.
Жолугушууда тараптар өлкө медицинасына дарылоонун эң заманбап ыкмаларын, анын ичинде роботтук хирургияны киргизүү жана аймактардагы дарыгерлерге аралыктан консультация берүүнү талкуулашты.
Германиянын Шлезвиг-Гольштейн университеттик клиникасынын урология бөлүмүнүн директору Данияр Осмонов кыргызстандык урологдор үчүн атайын демилге сунуштады. Ага ылайык, Европанын алдыңкы адистери ата мекендик дарыгерлер үчүн акысыз аралыктан окутууларды уюштуруп, заманбап тажрыйбалары менен бөлүшөт.
Ошондой эле чет элдик эксперттер Кыргызстандын урология кызматына илимий-усулдук көмөк көрсөтүүгө даярдыгын билдиришти.
Министр Дамир Осмонов эл аралык тажрыйба алмашуу жана дүйнөлүк мыкты практикаларды киргизүү өлкөдөгү медициналык жардамдын сапатын жогорулатуунун негизги багыты экенин баса белгиледи.
Белгилей кетсек, эл аралык илимий-практикалык конгресс 9-10-июль күндөрүөтөт.
