Бишкек, 14.08.26. /Кабар/. Кыргызстанда ички дүң продукт 2026-жылдын январь-июль айларында алдын ала баалоо боюнча 1 трлн 172,7 млрд сомду түздү. Бул тууралуу Улуттук статистика комитети билдирди.
Маалыматка караганда, ИДПнын көлөмү өткөн жылдын ушул мезгилине салыштырмалуу 11,1 пайызга өскөн.
Өсүш негизинен курулуш, айыл чарба, дүң жана чекене соода, ошондой эле өнөр жай тармагындагы оң көрсөткүчтөрдүн эсебинен камсыздалды.
