Бишкек, 24.07.26 /Кабар/. Жашаган жери боюнча каттоодон өтүү үчүн эми Калкты тейлөө борборуна баруунун кажети жок. Эми аны “Түндүк” мобилдик тиркемеси аркылуу аралыктан жүргүзө боло тургандыгын “Кызмат” мамлекеттик мекемеси билдирди.
Онлайн-сервис турак жай ээлерине үйдөн чыкпай эле өзүн, балдарын же башка жарандарды жашаган жери боюнча каттоого мүмкүнчүлүк берет.
Каттоону тариздөө үчүн турак жай ээси төмөнкү кадамдарды аткарышы керек:
- Турак жайды тандоо;
- Өзүнүн же баласынын жеке идентификациялык номерин көрсөтүү;
- Онлайн идентификациядан өтүү;
- Электрондук кол тамга аркылуу арызга кол коюу.
Жашаган жери боюнча каттоого турган жарандар үчүн:
- Келүү максатын тандоо;
- Онлайн идентификациядан өтүү;
- Электрондук кол тамга аркылуу арызга кол коюу.
“Кызмат” мамлекеттик мекемесинен белгилешкендей, бул сервис каттоодон кезексиз жана Калкты тейлөө борборуна барбастан, каалаган ыңгайлуу убакта өтүүгө мүмкүнчүлүк берет.
