Бишкек, 23.07.26. /Кабар/. Транспорт жана коммуникациялар министрлиги Европа биримдигинин колдоосу менен Expertise France уюму биргеликте салмак-габариттик көзөмөл системасын модернизациялоо боюнча техникалык жардам долбоорун баштады.
Министрликтен билдиришкендей, долбоордун алкагында учурдагы көзөмөл системасына талдоо жүргүзүлүп, аны автоматташтыруу жана санариптештирүү боюнча сунуштар иштелип чыгат.
Мындан тышкары, ченемдик-укуктук база жаңыланып, системаны модернизациялоонун техникалык талаптары жана Жол картасы даярдалат.
Белгиленгендей, демилге унаа жолдорунун сакталышын камсыздоого, оор жүк ташуучу унааларга көзөмөлдү күчөтүүгө жана транспорт тармагын санариптештирүүгө багытталган.
