Бишкек, 15.04.25. /Кабар/. 2025-жылдын январь-февралында Кыргызстанда орточо айлык акы 39 миң 456 сомду түздү. Бул тууралуу Бишкекте өткөн брифингде Улуттук статистикалык комитеттин төрагачы Бактыбек Кудайбергенов билдирди.
Анын айтымында, 2024-жылдын ушул мезгилине салыштырганда орточо айлык акы 17,8%га өскөн.
Ал кошумчалагандай, эмгек акынын эң көп өсүшү курулуш, кыймылсыз мүлк менен операциялар, маалымат жана коммуникациялар, ресторан жана мейманкана кызматтары, кесиптик, илимий-техникалык ишмердүүлүк, ошондой эле тоо-кен өндүрүшү сыяктуу тармактарда катталган.
