Бишкек, 03.08.26 /Кабар/. Кыргызстанда КМШга мүчө өлкөлөрдүн аскер кызматчыларынын арасында ок атуу боюнча XVII чемпионат өтөт.
Коргоо министрлигинин маалыматына ылайык, эл аралык мелдеш 2026-жылдын 5-августунда Куралдуу күчтөрдүн 20636 аскер бөлүгүнүн базасында башталат.
Чемпионатка Беларусь, Казакстан, Кыргызстан, Россия жана Өзбекстандын куралдуу күчтөрүнүн командалары катышат.
Катышуучулар АК-3 автоматы жана ПМ-3 тапанчасы менен ок атуу боюнча жеке жана командалык мелдештерде күч сынашат. Ошондой эле таймашка аскер кызматындагы айымдар да катышат.
Мелдештин катышуучулары 3-августта Кыргызстанга келип, каттоо жана жайгаштыруу иштеринен өтүштү. Чемпионаттын расмий ачылыш аземи 5-августта өтөт.
