Бишкек, 19.01.26. /Кабар/. Кыргызстанда дагы бир жаңы банк ачылды.
Башкы финансылык жөнгө салуучу органдан билдиришкендей, Улуттук банк башкармалыгынын 2026-жылдын 14-январындагы чечими менен «Алма Финанс Банк» жабык акционердик коомуна улуттук жана/же чет өлкө валютасында банктык операцияларды жүргүзүү укугуна лицензия берилди.
Эскерте кетсек, буга чейин өлкөдө жаңы коммерциялык «Берекет Банкы» ачылган, ал өлкөдөгү 22-банк болуп калды.
