Бишкек, 01.04.25. /Кабар/. Бүгүн Бишкектеги “Манас” театрында алгачкы ирет Grammy коучу, композитор Карина Купердин мастер-классы өтүүдө. Иш-чара Маданият, маалымат жана жаштар саясаты министрлигинин колдоосу менен уюштурулган.
Ага Маданият министрлигинин өкүлдөрү, музыкалык окуу жайдын мугалимдери, студенттер жана эстрада ырчылары катышууда.
Карина Купер – дүйнө жүзү боюнча 50 миңден ашуун окуучуну окуткан, Tom Jones, Eric Benet, Dave Koz сыяктуу атактуу артисттер менен иштеген вокалдык коуч. Ал Jennifer Lopez, Celine Dion, Beyoncé, Lady Gaga, Miley Cyrus сыяктуу жылдыздардын мугалимдеринен билим алган.
Мастер-класстын алкагында вокалдык остеопатия окутулат. Анда үн менен иштөө боюнча революциялык ыкмалар көрсөтүлөт.
