Бишкек, 20.08.25. /Кабар/. Бүгүнкү күндө турак жайларды милдеттүү камсыздандыруу боюнча келишимдердин саны 372 миң 213кө жетти. Бул тууралуу Мамлекеттик камсыздандыруу уюмунан кабарлашты.
Маалыматка ылайык, өлкө боюнча жалпы турак жайлардын саны 1 млн 251 миң 515ти түзөт.
Милдеттүү камсыздандырылган келишимдердин саны жалпы турак жай фондунун 29,7%ы болуп саналат.
2024-жылдын ушул мезгилине салыштырмалуу камсыздандыруу деңгээли болгону 12,3% (151 миң 91 келишим) эле.
Эң жогорку камсыздандыруу көрсөткүчүнө токтолсок:
- Жалал-Абад облусу – 37,1%
- Ош облусу – 35,7%
- Талас облусу – 33,1%.
