Бишкек, 24.07.26. /Кабар/. Агартуу министрлиги менен Коомчулукту өнүктүрүү жана инвестициялоо агенттиги (АРИС) өлкө аймактарында курула турган жаңы бала бакчалардын долбоорлорун талкуулады.
Ведомстводон маалымдашкандай, министр Догдуркүл Кендирбаева бала бакчаларды курууда балдар үчүн коопсуз, ыңгайлуу жана өнүктүрүүчү чөйрө түзүүгө өзгөчө көңүл буруу зарылдыгын белгиледи.
Анын айтымында, жаңы мекемелерде жашыл зоналар, коопсуз эмеректер, өрт коопсуздугу талаптары жана өзгөчө муктаждыгы бар балдар үчүн шарттар каралышы керек. Ошондой эле ички жасалгалоодо улуттук баалуулуктарды чагылдырган элементтерди колдонуу сунушталды.
Белгиленгендей, "Коомдук демилгелер" улуттук долбоорунун алкагында республика боюнча 18 жаңы бала бакча курулуп, дагы төрт мектепке чейинки билим берүү мекемесинде капиталдык оңдоо иштери жүргүзүлөт.
