Бишкек, 17.07.26. /Кабар/. Жаратылыш ресурстары, экология жана техникалык көзөмөл министринин орун басары Амантур Турсуниязов Өзбекстандын тоо-кен өнөр жайы жана геология министринин орун басары Рустам Юсупов менен жолугушту.
Ведомстводон маалымдашкандай, жолугушууда тараптар геология, жер казынасын пайдалануу жана тоо-кен тармагындагы эки тараптуу кызматташтыктын актуалдуу маселелерин карашты.
Тараптар өкмөттөр аралык макулдашууларды ишке ашыруу боюнча сунуштарды даярдоого жана артыкчылыктуу багыттарды аныктоого өзгөчө көңүл бурушту.
Сүйлөшүүлөрдүн жыйынтыгында тараптар эки өлкө ортосундагы өнөктөштүктү мындан ары да чыңдоого даяр экендиктерин ырасташты.
