Бишкек, 30.07.26 /Кабар/. Кыргызстандын элчиси Руслан Казакбаев Түркиянын Чорум провинциясынын губернатору Али Чалган жана шаар мэри Халил Ибрагим Ашгын менен жолугушту.
ТИМден билдиришкендей, жолугушууда Кыргызстан менен Чорум провинциясынын ортосундагы аймактар аралык кызматташтыкты өнүктүрүү, соода-экономикалык байланыштарды кеңейтүү жана биргелешкен долбоорлорду ишке ашыруу маселелери талкууланды.
Тараптар айыл чарба, кайра иштетүү өнөр жайы, билим берүү, туризм жана ишкердикти колдоо багыттарында кызматташуу мүмкүнчүлүктөрүнө көңүл бурушту.
Ошондой эле боордош шаарлар жана аймактар ортосунда түз байланыштарды түзүү, тажрыйба алмашуу жана жаңы долбоорлорду ишке ашыруу маселелери каралды.
Жолугушуунун жыйынтыгында Кыргызстан менен Чорум провинциясынын ортосундагы кызматташтыкты мындан ары бекемдөөгө кызыкдар экендиги белгиленди.
