Бишкек, 15.07.26. /Кабар/. Күн мурун Агартуу министрлигине караштуу Көз карандысыз сертификациялоо жана валидациялоо борборунда Кыргызстан менен Россиянын өкүлдөрүнүн катышуусунда эмгек миграциясы жана адистерди даярдоо маселелери боюнча жолугушуу өттү.
Ведомстводон маалымдашкандай, жолугушууда эмгек рыногунун талаптарына жооп берген квалификациялуу адистерди даярдоо, чет өлкөлөрдө ишке орношкон жарандардын кесиптик мүмкүнчүлүктөрүн кеңейтүү жана адистердин даярдык деңгээлин баалоо боюнча кызматташуунун келечеги талкууланды.
Жолугушуунун жыйынтыгында тараптар эмгек миграциясы, адистерди даярдоо жана квалификацияны таануу багыттарында кызматташтыкты өнүктүрүү боюнча эки тараптуу меморандумга кол коюшту.
Иш-чара Эмгек, социалдык камсыздоо жана миграция министрлиги менен биргеликте уюштурулуп, ага Россиянын жумуш берүүчүлөрүнүн, кадрлар жана жеке жумушка орноштуруу агенттиктеринин, "Улуттук ширетүүнү контролдоо агенттигинин", Россия өкмөтүнө караштуу Финансы университетинин, ошондой эле Кыргызстандын тиешелүү мамлекеттик органдарынын жана уюмдарынын өкүлдөрү катышты.
