Бишкек, 25.09.26. /Кабар/. Борбордук шайлоо комиссиясынын мүчөсү Тимур Оторбаев Монголиянын Борбордук шайлоо комиссиясынын төрагасы Нэргуйн Мягмар менен жолукту.
Боршайкомдон билдиришкендей, жолугушуу 24-сентябрда Тимур Оторбаевдин Монголияга болгон иш сапарынын алкагында өттү.
Тараптар шайлоо процессинде тажрыйба алмашуу жана эки өлкөнүн шайлоо органдарынын кызматташтыгын талкуулашты.
Оторбаев Монголиянын шайлоо комиссиясынын өкүлдөрүн 2027-жылдын январында өтө турган Кыргызстандын президенттик шайлоосуна байкоочу катары катышууга чакырды.
Белгилей кетсек, Кыргызстан менен Монголиянын шайлоо органдары 2015-жылы кол коюлган Өз ара түшүнүшүү жөнүндө меморандумдун негизинде кызматташып келет.
