Бишкек, 03.11.26. /Кабар/. Болгариянын Борбордук шайлоо комиссиясынын маалыматы боюнча, бюллетендердин 100 пайызы саналып бүткөндөн кийин шайлоочулардын 57,5 пайызы Илияна Йотовага добуш беришкени белгилүү болду. Анын негизги атаандашы, мурдагы убактылуу премьер-министр Андрей Гюров 39,5 пайыз добуш алып жеңилип калган.
Шайлоонун расмий жыйынтыктары 4-ноябрдан кечиктирилбестен расмий түрдө жарыяланат деп күтүлүүдө. Эгерде жыйынтыктар тастыкталса, Илияна Йотова Болгариянын тарыхындагы туңгуч аял президент болуп калат.
Илияна Йотова 62 жашта. Болгариялык белгилүү мамлекеттик жана саясий ишмер, мурунку вице-президент. Аны премьер-министр Румен Радевдин "Прогрессивдүү Болгария" партиясы колдоп келет. Аталган партия апрель айындагы парламенттик шайлоодо абсолюттук көпчүлүктү жеңип алган.
