Бишкек, 22.10.26. /Кабар/. Борбордук шайлоо комиссиясынын өкүлдөрү Жалал-Абад облусунда жергиликтүү бийлик органдары, укук коргоо органдары жана шайлоо комиссияларынын мүчөлөрү менен жолугушуп, президенттик шайлоого даярдык көрүү маселелерин талкуулашты. Бул тууралуу БШКдан билдиришти.
Маалыматка ылайык, БШК төрагасынын орун басары Русланбек Жакышов менен комиссиянын мүчөсү Бөдөш Мамырова 21–22-октябрда Манас шаарында, Ноокен, Базар-Коргон, Аксы жана Ала-Бука райондорунда жумушчу жолугушууларды өткөрүштү.
Анда 2027-жылдын 27-январына белгиленген президенттик шайлоону мыйзам талаптарына ылайык өткөрүү, шайлоо мыйзамдарындагы өзгөрүүлөр, коопсуздукту камсыз кылуу жана мыйзам бузуулардын алдын алуу маселелери каралды.
