Бишкек, 03.11.26. /Кабар/. Европа биримдигинде жумушсуздуктун деңгээли эң жогору болгон өлкөлөр аталды. Финляндия сентябрь айындагы Европадагы жумушсуздук статистикасында алдыңкы позициясын сактап калганын эл аралык маалымат каражаттары билдирүүдө.
Көрсөткүч өткөн жылга салыштырмалуу 1,3 пайыздык пунктка өсүп, күздүн башында 11 пайызды түзгөн. Өткөн жылдын ноябрь айында да Финляндия иш жетишсиздиги боюнча биримдикте биринчи орунга чыккан. Эксперттердин баамында, жумушсуздуктун кескин өсүшү узакка созулган экономикалык көйгөйлөр жана эмгек рыногундагы түзүмдүк өзгөрүүлөргө байланыштуу болууда.
Жалпы Европа биримдигине кирген өлкөлөрдө жумушсуздуктун орточо деңгээли жыл бою 6 пайыздын тегерегинде сакталып турат. Сентябрда жумушсуздуктун деңгээли боюнча Испания 10,3 пайыз менен экинчи орунда турса, Швеция алдыңкы үчилтикти 8,6 пайыз менен жыйынтыктады.
Негизги өлкөлөрдүн ичинен Польша жана Чехия сентябрь айында эң күчтүү экономикалык калыбына келүүнү көрсөтүштү. Польшадагы жумушсуздуктун деңгээли болгону 3,4 пайызды түздү, ал эми Чехияда ал 2,8 пайызга чейин төмөндөдү.
