Бишкек, 06.10.26 /Кабар/. Саламаттык сактоо министри Дамир Осмонов Монголиянын Кыргызстандагы элчиси Дэмчиг Тэгшжаргал менен жолугушту.
Министрликтен билдиришкендей, жолугушууда саламаттык сактоо тармагындагы кызматташтықтың келечектүү багыттары жана биргелешкен медициналык долбоорлорду ишке ашыруу мүмкүнчүлүктөрү талкууланды.
Тараптар эки өлкөнүн саламаттык сактоо системаларында бир катар окшош көйгөйлөр бар экенин белгилешти. Алардын катарында жугуштуу эмес оорулардын жогорку көрсөткүчү жана алыскы аймактардын тургундары үчүн медициналык жардамдын жеткиликтүүлүгүн камсыз кылуу зарылдыгы бар. Ушуга байланыштуу оорулардын алдын алууга, саламаттык сактоону санариптештирүүгө жана телемедицинаны өнүктүрүүгө өзгөчө көңүл бурулду.
