Бишкек, 24.04.25. /Кабар/. Күн мурун билим берүү жана илим министринин орун басары Альберт Махметкулов Кытайдын Пекин чет тилдер университетинин (BFSU) ректору Цзя Вэньцзя менен жолугушту.
Ведомстводон маалымдашкандай, жолугушууда билим берүү тармагындагы эки тараптуу кызматташтыкты кеңейтүү мүмкүнчүлүктөрү каралды. Айрыкча, Кытай, Кыргызстан жана Өзбекстанды туташтырып, темир жол куруу боюнча стратегиялык долбоорду ишке ашыруу үчүн синхрондуу котормочуларды даярдоого көңүл бөлүндү.
Мындан тышкары, КР Билим берүү министрлиги менен Пекин чет тилдер университети 2025-жылдын май айында Кытайга министр Догдуркул Кендирбаева баштаган делегациянын визити учурунда кызматташтык боюнча Меморандумга кол коюу планы талкууланды. Бул кадам кадрдык потенциалды чыңдоо жана ири инфраструктуралык долбоордун талаптарына жооп берген билим берүү программаларын иштеп чыгууга багытталган.
