Бишкек, 29.09.26. /Кабар/. Министрлер кабинетинин төрагасынын орун басары – суу ресурстары, айыл чарба жана кайра иштетүү өнөр жайы министри Эрлист Акунбеков Калифорния штатынын Бизнес жана экономикалык өнүгүү башкармалыгынын (GO-Biz) Эл аралык байланыштар жана соода бөлүмүнүн өкүлү, Европа, Жакынкы Чыгыш, Африка жана Индия боюнча соода жана инвестициялар өкүлү Патриша Уттербек менен жолукту.
Ведомстводон билдиришкендей, жолугушууда Кыргызстан менен Калифорниянын ортосундагы соода-экономикалык, инвестициялык жана ишкердик кызматташтыкты өнүктүрүү маселелери талкууланды.
Тараптар өз ара пайдалуу өнөктөштүктү кеңейтүү, инвестиция тартуу жана келечектеги кызматташуунун мүмкүн болгон багыттары боюнча пикир алышты.
