Бишкеке, 13.07.26. /Кабар/. Экономика жана коммерция министринин орун басары Медербек Туманов Стамбул шаарында Экономикалык кызматташтык уюмунун жыйындарына катышты.
Ведомстводон маалымдашкандай, жыйындардын жүрүшүндө банктын өткөн жылдагы ишмердүүлүгүнүн жыйынтыктары, 2026-жылга карата бюджети жана ЭКУ аймагындагы келечектүү долбоорлорду каржылоо маселелери каралды.
Министрдин орун басары өз сөзүндө уюмга мүчө мамлекеттердин туруктуу экономикалык өнүгүүсү үчүн жагымдуу шарттарды түзүүдө жана инвестициялык байланыштарды кеңейтүүдө аталган банктын ролу чоң экенин баса белгиледи.
"Кыргызстан экономиканын артыкчылыктуу тармактарына инвестиция тартуу жана стратегиялык маанидеги долбоорлорду биргелешип ишке ашыруу үчүн ЭКУнун Соода жана өнүктүрүү банкы менен өнөктөштүктү мындан ары кеңейтүүгө даяр", - деди ал.
Кыргыз тарап биргелешкен экономикалык демилгелерди колдоо үчүн өлкөдө бардык зарыл болгон жагымдуу шарттар түзүлөрүн белгиледи.
