Бишкек, 13.08.26. /Кабар/. Алматыда ЕАЭБдин Агроөнөр жай саясаты боюнча кеңешинин жетинчи жыйыны өтүп жатат. Ага Кыргызстандын атынан министрлер Кабинетинин төрагасынын орун басары – суу ресурстары, айыл чраба жана кайра иштетү өнөр жайы министри Эрлист Акунбеков катышууда.
Ведомстводон маалымдашкандай, ал ЕАЭБ алкагында айыл чарба продукциясынын өз ара соодасын кеңейтүү, биргелешкен долбоорлорду ишке ашыруу, заманбап агротехнологияларды жана санариптик чечимдерди киргизүү зарылдыгын белгиледи.
Ошондой эле кыргызстандык ишканалардын агродолбоорлорду каржылык колдоо механизмдерине жеткиликтүүлүгүн камсыз кылуу маселесине көңүл бурулду.
Белгилей кетсек, 2025-жылы Кыргызстандын ЕАЭБге мүчө мамлекеттер менен өз ара соодасынын көлөмү 832,2 млн долларды түзгөн.
