Бишкек, 09.04.25. /Кабар/. Кыргызстандын тышкы иштер министри Жээнбек Кулубаев Нью-Йоркко болгон иш сапарынын алкагында бир катар жолугушууларды өткөрдү.
ТИМден билдиришкендей, жолугушуулардын жыйынтыгында Кыргыз Республикасы менен Буркина-Фасо, Белиз жана Сомали мамлекеттеринин ортосунда дипломатиялык мамилелер түзүлдү.
Дипломатиялык мамилелерди орнотуу боюнча биргелешкен коммюникелерге өлкөлөрдүн БУУдагы туруктуу өкүлдөрү кол коюшту.
Сүйлөшүүлөрдүн жүрүшүндө эки тараптуу консультациялар жана жогорку деңгээлдеги сапарлар механизми аркылуу саясий диалогду жана көп кырдуу кызматташтыкты кеңейтүү боюнча макулдашууларга жетишилди.
