Бишкек, 07.01.26. /Кабар/. Кыргызстан 125 ири эл аралык жана аймактык уюмдун мүчөсү болуп саналат. Бул тууралуу Тышкы иштер министрлигинен билдиришти.
Маалыматта белгиленгендей, алардын арасында БУУ, ШКУ, ЕАЭБ жана ЖККУ сыяктуу ири эл аралык жана аймактык уюмдар бар. Өлкө бул аянтчаларда жөн гана катышуучу эмес, "Тоолор күн тартиби" сыяктуу маанилүү глобалдык демилгелердин автору катары таанымал.
Ошондой эле Кыргызстан климаттын өзгөрүшү, суу ресурстары жана коопсуздук маселелерине өзгөчө көңүл буруп, эл аралык аренада өзүнүн улуттук кызыкчылыктарын ийгиликтүү коргоп келет.
