Бишкек, 12.02.25. /Кабар/. Бүгүн "Кыргызкөмүр" мамлекеттик ишканасына 10 жаңы тоо иштерин жөнгө салуучу атайын техникалар тапшырылды. Бул тууралуу Энергетика министрлигинен билдиришти.
Техникаларды энергетика министри Таалайбек Ибраев тапшырды. Министр жаңы техникалар көмүр тармагынын ишин натыйжалуу аткарууга өбөлгө түзөөрүн айтып, аларды жоопкерчилик менен колдонууга чакырды.
Аталган техникалар ишкананын өздүк каражатынын эсебинен 36 млн 780 миң 600 сомго сатып алынган.
Алынган техникалар:
- жүктөгүч - 2 даана;
- дөңгөлөктүү экскаватор -1 даана;
- вахталык мөөнөттү ташуучу КамАЗ - 1 даана;
- жолго суу чачуучу унаа - 2 даана;
- кызматтык жеңил унаа - 4 даана.
