Бишкек, 30.09.26. /Кабар/. "Кыргыз-Ата" мамлекеттик жаратылыш паркында жер тилкелерин мыйзамсыз пайдалануу фактылары аныкталды. Бул тууралуу Айыл чарба министрлигинен билдиришти.
Маалыматка ылайык, парк администрациясынын кайрылуусунун негизинде Жерди жана сууну көзөмөлдөө боюнча кызматы тарабынан текшерүү жүргүзүлгөн.
Анда айрым жергиликтүү тургундар жер тилкелерин уруксат берүүчү документтерсиз, келишимдин мөөнөтү аяктагандан кийин же бөлүнгөн жердин чегинен тышкары пайдаланып жатканы аныкталган.
Жыйынтыгында 34 миң сом айып пул салынып, жер кыртышын бузгандыгы үчүн 127 миң 314 сом өлчөмүндө доо коюлган.
