Бишкек, 10.12.25. /Кабар/. Кычыраган кыш. Бишкекке кар жаап, ызгаардуу кыштын келгени эми билинди. Саналуу күн мурда эле күн чайыттай ачылып, жаз келгендей сезилди эле. Бүгүн күндүн бетин булут каптап, күн нурун көрсөткүсү келбегендей.
Бак-дарактар болсо, адамдардай жылуу кийим кийгенсип, ак карга оронду.
Аба ырайынын суугуна карабай, жүрөктөрдө жана үйүңүздө жылуулук болуп, аруу тилектериңиз ак кардай таза болсун.
"Кабардын" сүрөтчүсү борбор калаанын көчөлөрүн сүрөткө түшүрүп, алдыда кыштын кыраан чилдеси бар экенин эскерткендей.
