Бишкек, 11.08.26. /Кабар/. Курулуш, архитектура жана турак жай-коммуналдык чарба министринин биринчи орун басары Болот Чолпонбаевдин жетекчилиги алдында ведомствонун тутумунда коррупцияга каршы күрөшүү боюнча жыйын өттү.
Жыйында коррупциялык тобокелдиктерди аныктоо, баалоо, башкаруу жана минималдаштыруу, ошондой эле коррупцияга каршы күрөш боюнча 2025–2030-жылдарга карата Мамлекеттик стратегияны ишке ашыруу маселелери талкууланды.
Болот Чолпонбаев коррупциялык иш-аракеттерди өз убагында аныктоо жана алдын алуу боюнча чараларды сапаттуу жана белгиленген мөөнөттөрдө аткаруунун маанилүүлүгүн белгиледи.
Жыйындын соңунда түзүмдүк бөлүмдөрдүн жетекчилерине бекитилген иш-чараларды өз убагында аткаруу жана отчетторду белгиленген мөөнөттөрдө тапшыруу боюнча тапшырмалар берилди.
Курулуш министрлиги коррупцияга каршы күрөшүү жана иштин ачык-айкындуулугун камсыз кылууну артыкчылыктуу багыт катары улантат.
