Бишкек, 09.07.26. /Кабар/. Курулуш, архитектура жана турак жай-коммуналдык чарба министри Нурдан Орунтаев "Ачык кабинет: жоопкерчилик аймагы" медиа долбоорунун алкагында инженердик-геологиялык изилдөөлөргө багытталган жаңы атайын техникаларды тааныштырды.
Анын айтымында, бир Камаздын баасы 20 млн сомго чейин жетет. Техникалардын бардыгы 2026-жылы чыгарылып, Россиядан алып келинген.
"Жалпысынан бүткүл Кыргызстан боюнча 42 даана ушундай техника бар", - деди министр.
Орунтаев бул техниканын иштөө принцибин түшүндүрүп, ал кыртышты 200 метр тереңдикке чейин бургулап, андан соң үлгүлөрдү алып, изилдөө жүргүзүү үчүн лабораторияга жөнөтөрүн белгиледи.
