Бишкек, 19.08.2025. /Кабар/. "Курак" тасмасынын дүйнөлүк бет ачары Пусан эл аралык кинофестивалына катышуунун алкагында болот. Бул тууралуу Маданият, маалымат жана жаштар саясаты министрлигинен билдиришти.
Тасма "Азиялык көз караш" (Asian Vision) категориясында "эң мыкты азиялык тасма" сыйлыгы үчүн ат салышат.
"Курак" тасмасы Маданият министрлигине караштуу Кинематография департаментинин колдоосу менен тартылган.
Тасманынын режиссёру маркум Эмил Атагелдиев жана Эрке Жумакматова.
Белгилей кетсек, ХХХ Пусан эл аралык кинофестивалы 17-26-сентябрь күндөрү Түштүк Кореянын Пусан шаарында өтөт.
