Бишкек, 24.07.26 /Кабар/. Өзгөчө кырдаалдар министрлигинин атайын комиссиясы Ысык-Көл облусундагы "Кумтөр Голд Компани" ЖАКнын жарандык коргонуу боюнча даярдык абалын баалады.
Ведомстводон билдиришкендей, текшерүүнүн жүрүшүндө өзгөчө кырдаалдарга даярдык, жарандык коргонуу иш-чараларынын уюштурулушу, күч-каражаттардын даярдыгы жана жетекчиликтин аракеттери бааланды.
"Баалоонун жыйынтыгында аныкталган кемчиликтерди жоюу боюнча сунуштар берилип, өзгөчө кырдаалдардын алдын алуу, өрт коопсуздугун күчөтүү, байланыш жана кабарлоо системаларын жакшыртуу, ошондой эле кызматкерлерди жарандык коргонуу боюнча окутуу боюнча усулдук көрсөтмөлөр берилди", - деп айтылат маалыматта.
