Бишкек, 21.11.25. /Кабар/. Венгриялык компания Кыргызстанда күн электр станциясын курат. Бул тууралуу Будапештте өтүп жаткан кыргыз-венгер бизнес-форумунда белгилүү болду.
Форумдун жүрүшүндө КР президентине караштуу Инвестициялар боюнча улуттук агенттик менен Венгриянын Electron Holding компаниясынын ортосунда кызматташтык тууралуу меморандум түзүлдү.
Документте Кыргызстандын аймагында кубаттуулугу 300 МВтка чейинки күн электр станцияларын куруу каралган. Инвестициянын жалпы суммасы 300 млн доллардан ашат.
Аталган форум президентке караштуу Инвестициялар боюнча улуттук агенттик тарабынан уюштурулган.
