Бишкек, 13.08.2025. /Кабар/. Күрп-Сай ГЭСинде күз-кыш мезгилине даярдык иштери кызуу жүрүүдө. Бул тууралуу Энергетика министрлигинен билдиришти.
Өлкөдө электр камсыздоонун ишенимдүүлүгүн жогорулатуу боюнча программанын алкагында Күрп-Сай ГЭСинде күз-кыш мезгилинде күчөтүлгөн жүктөмдө иштөөсүнө пландуу даярдык көрүлүүдө.
Жыл башынан бери 40тан ашык жабдууга оңдоо иштери аткарылды. Алардын ичинен эң негизгилери:
- "Кристалл", "Датка" жана "Городок" подстанцияларындагы өчүргүчтөрдү техникалык тейлөө;
- АТ-2 автотрансформаторуна учурдагы оңдоо иштери;
- 110 жана 220 кВ кошулууларын оңдоо;
- гидрогенераторлорго, трансформаторлорго жана өчүргүчтөргө учурдагы оңдоолор.
"Жогорку жүктөм мезгилинде жабдуулардын коопсуз иштешине өзгөчө көңүл бурулууда. Бардык оңдоо иштер графиктин негизинде аткарылып жатат", - деп айтылат маалыматта.
