Бишкек, 27.04.25 /Кабар/. Юстиция министри Аяз Баетов жана Кыргызстандын Италиядагы элчиси Таалай Базарбаев күн мурун, 26-апрелде Рим папасы Францискти акыркы сапарга узатуу зыйнатына катышты.
Тышкы иштер министрлигинен кабарлашкандай, Рим папасы менен расмий коштошуу зыйнаты католик чиркөөсүнүн маанилүү жерлеринин бири болгон Ватикандагы Ыйык Петр аянтында 50дөн ашык дүйнөлүк лидерлердин жана 10 башкаруучу монархтардын катышуусунда өттү.
