Бишкек, 03.03.25. /Кабар/. Аба ырайынын кескин өзгөрүшүнөн улам көпчүлүк аймактарда кар жаап, жол тазалоо иштери тынымсыз жүрүүдө.
Транспорт жана коммуникация министрлигинен билдиришкендей, "Кыргызавтожол-Түштүк” жана “Кыргызавтожол-Түндүк” мамлекеттик ишканалары тарабынан күнү-түнү кум-туз аралашмасын себүү жумуштары аткарылып жатат. Каттам бар.
Эске салсак, бүгүн, 3-мартта саат 06:10до Сосновка постунда оор жүк ташуучу унааларга убактылуу чектөө киргизилип, азыркы тапта күчүндө турат.
Учурда Төө-Ашууда кар жаап, инерттик материалдарды чачуу жумуштары үзгүлтүксүз уланууда.
Министрлик кандай кырдаал жаралбасын каршы тилкеге чыкпай, жол эрежесин так сактоого чакырат.
"Эсиңизде болсун! Унаалар ортосундагы 500 метр аралыкты так сактоо - кырсыкты алдын алып, жол коопсуздугун камсыздайт",-деп айтылат маалыматта.
