Бишкек, 20.05.25. /Кабар/. Коргоо министринин милдетин аткаруучу Руслан Мукамбетов Жогорку Кеңештин конституциялык мыйзамдуулук, мамлекеттик түзүлүш, соттук-укуктук маселелер жана регламент боюнча комитетинде армиядагы дедовщина менен кандайча күрөшөрүн айтып берди.
Анын айтымында, армиядагы дедовщина маселеси курч эмес. "Бизде айрым долбоорлор бар жана биз Билим берүү жана илим министрлиги менен биргеликте иштеп чыгууну баштадык. Армияга жаңы чакырылгандарды тарбиялоо армиядан эмес, ал бала бакчадан, мектептен башталышы керек, ошондо гана биз бул көйгөйдү алдын ала алабыз.
Аскерге чакырылуучуларды тарбиялоо армиядан башталбай, бала бакчадан, мектептен башталышы керек, ошондо гана алардын тамырында бул терс фактылардын алдын ала алабыз. Бул максаттар үчүн бизде мурунтан эле пландар бар болчу. Бизде мектептерде жаштарды аскерге чакырууга чейинки окуулар бар. Бардык мектептерге программаларды жөнөттүк. Азыр Билим берүү министрлиги менен бирдиктүү программабыз бар. Муну менен эле токтоп калбайбыз жана пенсияга чыккан аскер кызматкерлеринин бул машыгууга катышуусун каалайбыз", - деди ал.
Мукамбетов армияда дедовщинаны жоюу жана чакырылуучулардын аскердик кызматка нормалдуу ыңгайлашуусун камсыздоо боюнча да иштер жүргүзүлүп жатканын айтты.
"Биз келгенден кийин аскерлер режимге, тартипке көнүшү үчүн биз мөөнөттү эки эсеге көбөйттүк. Тереңдетилген медициналык изилдөөлөрдү жана башкаларды жүргүзөбүз. Бизде көп иштер турат жана кырдаалды сөзсүз көзөмөлдөйбүз", - деп ишендирди министрликке талапкер.
